Фудбал
Шестолигаш го извлече ПСЖ во Купот, реакцијата на играчите непроценлива (ВИДЕО)
Во следното коло од Купот на Франција, ПСЖ ќе игра против шестолигашот Ревел. Ова е резултатот од ждрепката за тамошното национално натпреварување, а неверојатна беше реакцијата на тоа дека ќе играат против Мбапе и другите асови во соблекувалната на овој клуб од пониска класа.
😍🇫🇷 This is the reaction of the 6th tier side US Revel when they found out they will play PSG in the Coupe de France!
Magic of the cup… 🏆✨ pic.twitter.com/8F2aSGa9W8
— EuroFoot (@eurofootcom) December 11, 2023
Ревел е член на шестата лига на Франција и никогаш не бил во повисоко ниво, дури ни во петта лига. Затоа, логично е играчите на овој клуб да играат фудбал рекреативно, сите да имаат некоја друга работа, а фудбалот да им е хоби.
А потоа – кога со ждрепка беше одлучено дека големиот ПСЖ ќе им биде противник на официјален натпревар, настана целосен хаос во соблекувалната. Шестолигашот сега стана хит во светот, а не само во Франција, поради реакцијата на играчите на ждрепката. Сите се собраа во соблекувалната и го посакаа ПСЖ за ривал, па така и се случи. Радоста беше неопислива.
