Швајцарски скијач: Ако трките во С.Арабија влезат во Светскиот куп, веднаш ќе се пензионирам

За прв пат во историјата се подготвува следната сезона на Светскиот куп во скијање без да се знае како ќе изгледа календарот на натпреварувања. До оваа сезона секогаш имаше прелиминарни календари за неколку сезони, но овојпат се е целосно нејасно.

Неодамна се појави идејата за организирање на дел од трките следната сезона во Саудиска Арабија или Дубаи. Проблеми со распоредот, но и идејата скијањето да се пресели на неколку трки во земји каде што речиси и да не постои како спорт, ја коментира швајцарскиот скијач Даниел Јуле.

„За мене е сосема неверојатно што брзински скијачи летаат за САД по втор пат оваа зима, а ние специјалистите за слалом летаме само за една трка“, изјави Јуле во интервју за швајцарски Блик пред неколку дена и додаде:

„Тешко ми е да поверувам дека толку паметна личност и успешен претприемач како Елиаш (Јохан Елиаш, претседател на Светската скијачка федерација (ФИС) оп.а.) има такви глупави идеи. Денот кога трките во Саудиска Арабија или Дубаи ќе се вклучени во календарот на Светското првенство, веднаш одам во пензија“.