Со доаѓањето на Фернандес, Манчестер Јунајтед престана да губи

Бруно Фернандес неодамна пристигна на „Олд Трафорд“ и дефинитивно ја оправда улогата на големо засилување.

Англиски великан на самиот крај од преодниот рок донесе засилување од Португалија. Фернандез се поврзуваше со Јунајтед и претходно, а пристигнувањето на 25-годишниот фудбалер дефинитивно ги придвижи работите во Манчестер.

Поточно, „црвените ѓаволи“ одиграа седум натпревари од пристигнувањето на Фернандес, во кои забележаа четири победи и три нерешени. Тие постигнаа 15, а примија само два гола

Фернандес и тоа како придонесе во тој добар период. Тој постигна гол против Евертон изминатиот викенд, претходно гол и асистенција против Ватфорд, еден даде против Клуб Бриж, асистираше во победата против Челси …

Патем, Фернандес како 18-годишник ја напушти Португалија и замина за Италија, каде потпиша за Новара. Подоцна играше за Удинезе и Сампдорија, но доживеа целосна експлозија со неговото враќање во татковината пред две и пол години, кога го купи Спортинг.

Иако неговата примарна цел не се голови, тој постигна дури 63 со 52 асистенции во дресот на Спортингем, а минатата сезона, на 53 настапи во сите натпреварувања, тој имаше 50 голови и асистенции (32 + 18).