Фудбал
Стана дедо, наредниот месец полни 50, но со изгледот посрамоти многу спортисти, тоа е легендата на Барса (ФОТО)
Ривалдо своевремено беше еден од најдобрите светски фудбалери, а најубавите денови во кариерата ги помина во дресот на Барселона.
Многумина пред нешто повеќе од 20 години почнаа да навиваат за Барселона поради Ривалдо бидејќи тој ја воодушевуваше јавноста со своите потези. Тој пристигна во каталонскиот клуб во летото 1997 година од Депортиво и пет сезони играше во Барселона и беше убедливо најдобриот играч на овој тим.
Ривалдо беше прогласен за најдобар играч на светот во 1999 година и ја освои Златната топка, иако со Барселона не освои толку трофеи колку што очекуваше. Тој дојде во клубот, кој тогаш беше во фаза на промени, што се одрази на резултатите.
Но, белегот што Ривалдо го остави во Барселона е огромен бидејќи на 157 натпревари успеа да постигне 86 гола, а некои од нив беа вистински мајстории и за нив се зборува и денес.
По Барселона, Ривалдо играше за Милан, но таму помина само една сезона. По Милан играше за Крузеиро, Олимпијакос, АЕК, Бунјодкор, Сао Паоло, Кабускорп, Сао Каетано и Моги Мирим.
Кариерата ја заврши пред речиси седум години кога веќе имаше 42 години. Ривалдо следниот месец ќе го прослави својот 50-ти роденден, но ја воодушеви фудбалската јавност бидејќи се уште е во неверојатна форма. Изгледа дека Ривалдо не ја напушта теретаната бидејќи изгледа навистина фантастично, а режимот на тренинзи кој го имаше во играчката кариера реши да го задржи и по пензионирањето, што секако е за пофалба.
Бразилецот беше во центарот на вниманието на тамошните медиуми бидејќи беше пофален за одличниот изглед, иако наскоро ќе наполни 50 години. Тие го споредија со Весли Снајдер, кој беше неверојатно запоставен по само неколку месеци пензионирање и рекоа дека Ривалдо е пример кој секој треба да го следи.
