Тер Штеген ја напушта Барселона поради ситуацијата во соблекувалната, веќе се јави еден великан

Марк-Андре тер Штеген ги вознемири навивачите на Барселона велејќи дека не знае дали ќе биде член на каталонскиот клуб следната сезона.

Тер Штеген е секако еден од најдобрите голмани во светот и е во одлична форма и оваа сезона. Барселона сака тој да го продолжи договорот, кој истекува во летото 2022 година, но во моментов преговорите не одат како што очекуваа.

Паника кај навивачите на Барса дојде кога „Мундо Депортиво“ вчера објави дека германскиот голман најверојатно ќе го напушти клубот на крајот на сезоната. Еден од шпанските новинари сакаше да направи документарец за Тер Штеген, но кога му го предложи тоа на германскиот голман, тој одби.

Наводно, Тер Штеген му рекол дека не е време за вакви работи затоа што тој сè уште не знае дали ќе биде во Барселона следната сезона. Шпекулациите за неговата иднина започнаа денес, при што еден клуб, наводно, опасно „гризнал“ врз него.

Медиумите во Шпанија пренесуваат дека агентот на Тер Штеген се сретнал со челниците на Јувентус кои сакаат да го донесат Германецот во своите редови. Јуве сака да ја искористи ситуацијата со која Тер Штеген не е задоволен во соблекувалната во Барса, бидејќи тимот се раздели и очигледно сериозно размислува да си замине.