Connect with us

Фудбал

Тие се платеници и измамници, Лео само се шета по теренот, жестоки критики за Меси и Нејмар!

Големи и жестоки критики трпат најголемите ѕвезди на ПСЖ по шокантниот пораз и елиминацијата од Реал Мадрид во осминафиналето во ЛШ. Како што е познато, ПСЖ до 60-та минута водеше со 1:0, а имаше и победа со овој резултат од првиот меч, но потоа следуваше вистински „потоп“ или фантастична партија на Бензема, кој со три гола го елиминираше францускиот тим.

Поранешниот фудбалер на ПСЖ, Жером Ротен ги критикуваше Лионел Меси и Нејмар. Вели тие се најголемите виновници.

„Фудбалери кои се залужни за поразот се Нејмар и Меси. На нив останува да ја преземат одговорноста. Кога ги ангажираше Леонардо, тие станаа легенди. Не ги напаѓам Верати, Данило, Паредес и Мбапе. Само тој беше опасен во двата меча. Другите двајца се платеници и измамници. Срам ми е да зборувам така за Лео, но тоа е вистината. Човекот само оди по теренот, откако пристигна во Париз игра катастрофално“, вели Ротен.