Убедлив пораз на македонските одбојкарки на гостувањето во Австрија

Македонската женска одбојкарска репрезентација вечерва во Швехат загуби од Австрија со убедливи 3:0 (25:15, 25:17 и 25:7) во последниот свој настап сезонава во Европската Сребрена лига.

Македонките со максимални шест порази се последни во групата во која не успеаја да освојат ниту еден сет, но покажаа дека имаат потенцијал за подобри резултати на идните турнири.

Од А-групата, покрај Австријките пласман во плејофот изборија и Естонките. Двете селекции имаат по 15 бода, односно пет победи и еден пораз. Третото место го освои Летоноија со шест бода, односно две победи.