Connect with us

Фудбал

Уште еден нокаут за Ливерпул – Лидс ги „суреди“ Редсите на „Енфилд“

После шокантниот пораз од Нотингем Форест, „Редсите“ доживеаа нов нокаут од екипа од долниот дел на табелата. Вечерва Ливерпул го пречека Лидс на Енфилд, а натпреварот заврши со 2:1 за гостите.

Иако Ливерпул ја имаше контролата на таренот во текот на целиот натпревар, сепак екипата на лидс дојде прва во водство.

Родриго уште на самиот почеток на натпреварот, одонсо во 4. минута ја затресе мрежата на Ливерпул и му донесе водство на Лидс од 1:0.

После само десет минути игра, односно во 14, минута од натпреварот, Салах ја искористи асистенцијата на Робертсон и го изедначи резултатот на 1:1.

Избраниците на Јирген Клоп тргнаа поофанзивно во вториот дел, но одбраната на Лидс многу добро знаеше што прави. Ги запираа нападите на Ливерпул, кои беа далеку од она на што бевме навикнати во изминатите сезони.

На самиот крај од натпреварот шок на Енфилд. во 89. минута акцијата на гостите Самервил ја претвори во гол за голема победа на Лидс со резултат 1:2.

По 12 одиграни кола Ливерпул е на 9. позиција на табелата со 16 бодови, а во следното коло за противник го има Тотенхем. Од друга страна, Лидс со оваа победа дојде до 12 бода, побегна од опасната зона и сега се наоѓа на 15. позиција на табелата, а во следното коло го пречекува Борунамут.