В петок ќе се разговара за важна промена за составите на Светското првенство

ФИФА би можела да го зголеми составот за овогодинешното Светско првенство во Катар од 23 на 26 играчи, изјави за Ројтерс извор запознаен со разговорите.

Селекторите на репрезентациите и челниците на федерациите за ваквиот чекор ќе разговараат со ФИФА, а одлучувачките разговори ќе бидат во петок, пред ждрепката за групите на Светското првенство. Поради коронавирусот и воведувањето на пет смени на еден натпревар, даден е предлог тимовите да имаат тројца играчи повеќе.

На Евро 2020 минатата година, УЕФА прими тимови од 26 играчи, иако само 23 играчи можеа да бидат наведени за секој натпревар.

Организацискиот комитет на ФИФА за натпревари мора да ја донесе конечната одлука, која мора да биде ратификувана од светската централа.