Други спортови
Верстапен доби крилја од Ред Бул и ги прелета сите
Макс Верстапен ја освои Големата награда на Австрија по денешната трка која се одржа на патеката „Ред бул ринг“. Ова е прва победа за Холанѓанецот во 2019 година, а севкупно шеста во Формула 1 кариерата. Верстапен стартуваше од втората позиција, а во сензационалниот финиш прво го престигна Валтери Ботас, а во 68-от круг го нападна и Шарлс Леклер и му го одзеде првото место.
Како да доби крилја од Ред бул, Верстапен ги прелета возачите на Ферари и Мерцедес за прво искачување на највисокото место на подиумот за оваа сезона. Воедно доби и еден поен плус поради што извозе најбрз круг во текот на трката. Зад него е Леклер, а Ботас ја комплетираше тројката на подиумот.
Во финишот од трката имаше битка меѓу Фетел и Хамилтон, а Германецот изби на четвртото место, додека актуелниот светски првак заврши на петтата позиција.
LAP 68/71
Verstappen almost does it – but Leclerc's fighting back, inches from each other #AustrianGP #F1 pic.twitter.com/H1IMvYEzKZ
— Formula 1 (@F1) June 30, 2019
