ВИДЕО: Реал на колена, кикс на Баерн и висока победа на Рома

Вечерашните натпревари од Лигата на шампионите ни донесоа неколку неочекувани резултати. Баерн Минхен ремизираше на домашен терен, Реал Мадрид беше поразен во Москва, а Манчестер Јунајтед продолжи да ги разочарува своите навивачи со серијата лоши резултати.

Во натпреварите во 18:55 часот фаворитите ја оправдаа својата улога. Јувентус со 3:о во Торино го совлада тимот на Јанг Бојс. Дибала одигра фантастичен натпревар, а тоа го круниса со хет – трик. Резултатот беше отворен во 5. минута кога Бонучи упати долга топка кон Дибала, кој ја затресе мрежата на Јанг Бојс.

Во 33. минута Дибала повторно ја смести топката во голот на Јанг Бојс, а во 69. минута, овој пат по асистенцијата на Квадрадо, Дибала ги постави конечните 3:0 за Старата Дама.

Манчестер Сити издвојува победа од 2:1 на гостувањето кај Хофенхајм. Гостите успеаа да ги шокираат Граѓаните уште од првата минута кога Белфодил му носи водство на домаќинот од 1:о.

Меѓутоа, Манчестер Сити за кратко време успеа да се врати во игра и веќе во 8. минута доаѓа до изедначување со голот на Агуеро.

Граѓаните до победа стигнаа во самата завршница од натпреварот. Силва во 87. минута беше прецизен и ги постави конечните 2:1.

Шампионот во Лигата на шампионите Реал Мадрид доживеа пораз на гостувањето во Русија. Никола Власиќ ја искористи грешката која ја направи Крос и ја затресе мрежата на Реал Мадрид. Кралевите се обидуваа на секој можен начин да дојдат до гол, но сепак резултатот остана непроменет.

Манчестер Јунајтед продолжи да ги разочарува своите фанови со лошите резултати. Црвените Ѓаволи на Олд Трафорд ремизираа против Валенција. И двете екипи имаа по неколку шанси за гол, но сепак резултатот остана 0:0.

Бенфика забележа победа на гостувањето кај АЕК со 2:3. Резултатот го отвори Стефановиќ и со голот во 6. минута од натпреварот му носи водство на Бенфика од 1:0. Само девет минути потоа Грималдо ја зголемуа предноста на Бенфика на 2:0.

На крајот на првото полувреме Бенфика остана со играч помалку. Рубен Диас поради остар старт заработи втор жолт картон, и беше исклучен од игра.

АЕК успеа да дојде до изедначување во второто полувреме. Колонаридис во 53. минута намалува на 2:1, само десет минути подоцна истиот играч изедначува на 2:2.

Бенфика иако со играч помалку успеа да дојде до победа. Семедо во 74. минута постигнува гол, а со тоа ги постави конечниот резултат од 3:2 кој му донесе три бода на Бенфика.

Баерн Минхен не успеа да го совлада Ајакс и тоа пред своја публика.

Баварците успеаа да дојдат во водство уште на почетокот на натпреварот. Хумелс во 4. минута од натпреварот постигнува гол за 1:0, но ова водство на Баерн не траеше долго. Ајакс кон средината на првото полувреме, односно во 22. минута го изедначува резултатот на 1:1 со голот на Мазруи.

Ова беше и конечниот резултат на натпреварот.

Роам го прегази Плзен на домашен терен. Волчицата успеа пет пати да ја затресе мрежата на противникот, а резултатот го отвори Един Џеко уште во 3. минута од натпреварот. Рома до крајот на првото полувреме успеа да го зголеми водството на 2:о, а стрелец повторно беше Џеко во 40. минута.

Рома продолжи да ја „режети“ мрежата на противникот. Во 64. минута Ундер зголемува на 3:о, а во 73. минута Клајверт зголемува на 4:0.

Во судиското продолжение Џеко постигнува гол за хет – трик и ги постави конечните 5:0 за Рома.

Возбудлив натпревар одиграа Лион и Шахтјор. Гостите од Украина го отвориа резултатот на самиот крај на првото полувреме. Мораеш во 44. минута од натпреварот му носи водство на гостите.

Истиот фудбалер ја зголеми предноста на Шахтјор со гол во 55. минута.

Во второто полувреме фудбалерите на Лион покажа значително подобра игра, упатиа 16 удари од кои шест беа во рамките на голот, а два од нив ја затресија мрежата на Шахтијор.

Во 70. минута Муса Дембеле намалува на 2:1, а само две минути подоцна Дубоис постигнува гол за изедначување и ги поставува конечните 2:2.