ВИДЕО: Седум гола во Рим, верогол на Пелегрини, Рома прокоцка два гола и пенал, луд пресврт на Јувентус

Вистинската фудбалска убавица беше видена во Рим, а Рома прокоцка два гола предност, на крајот промаши пенал за израмнување за да му овозможи голема победа на Јувентус која го зацврсти на петтото место и ја продолжи трката за позициите во Лигата на шампионите.

Голеадата беше отворена во 11. минута, кога одличниот Тами Абрахам погоди за 1:0, но само седум минути подоцна Дибала постигна одличен гол за израмнување. На одмор заминаа со резултат 1:1, а потоа лудило во вториот дел.

На почетокот на вториот дел Мхитарјан и донесе ново водство на Рома, а капитенот Лоренцо Пелегрини постигна еврогол од слободен удар во 53. минута. Изгледаше дека Јуве е на колена и дека ќе доживее нов пораз, а потоа голем пресврт.

Во 70. минута Локатели погоди со глава на центаршут на Мората, во 74. минута Кулушевски израмни, а само три минути подоцна Де Шиљо погоди за целосен пресврт.

Во 81. минута Де Лихт со рака го запре ударот на Абрахам, доби втор жолт картон, а Рома имаше одлична можност да израмни. Капитенот Пелегрини ја презеде одговорноста, но не беше сигурен при изведувањето на пеналот, па Шчесни го прочита и го одбрани неговиот удар.

Рома продолжува да напаѓа со играч повеќе, но немаше сили за израмнување, па сите три бода одат во Торино.