Фудбал
За малку ќе изгореше жив во него, на албанскиот фудбалер му се запалило ферарито, едвај се спасил!
![](https://sportm.mk/wp-content/uploads/2024/04/husaj-ferari.jpg)
Албанскиот фудбалер Ељсеид Хисај (30) избегнал трагедија откако успеал да излезе од своето Ферари кое целосно изгорело. Засега не се знае што се случило и што и претходело на несреќата, познато е само дека Хисај се возел во Ферари со таткото на неговата сопруга, а потоа се запалил автомобилот вреден 160.000 евра. Работата да биде уште полоша, вратата од автомобилот била блокирана и најпрвин двајцата не можеле да излезат од возилото!
Според информациите на италијанските медиуми, ги следела и сопругата на фудбалерот, која видела дека Ферарито застанало и гори. Тогаш и таа им пришла на помош и во последен момент успеале да се спасат.
„За среќа, никој не е повреден. Фала му на Бога, успеавме да избегнеме трагедија“, изјави Хисај за „Il Mesaggioro“.
Според првите претпоставки автомобилот се запалил поради грешка во производството, а дали Албанецот во иднина ќе купи уште едно возило од овој производител ќе видиме. Инаку, тој е страствен колекционер на скапи автомобили, па во колекцијата има Порше 911 Турбо, Ауди С8, Мерцедес, Ламборџини Хуракан…