За Реал постигна само три гола на 49 натпревари, а на лето прави трансфер од соништата

Роберт Левандовски изгледа е подготвен да го напушти Баерн една година пред да му истече договорот, а тоа на Лука Јовиќ може да му овозможи уште еден трансфер од соништата.

Левандовски би можел да биде нов напаѓач на Барселона на лето, а соодветно на тоа, неговиот сегашен клуб од Баерн би морал да доведе нов напаѓач. Иако се споменуваше Ерлинг Халанд, изборот наводно паднал на далеку поевтина опција – Лука Јовиќ.

Се чини невозможно некој пристојно да го запре Полјакот кој во Баерн постигна 343 гола на 372 натпревари, но животот продолжува, мора да се живее без Лева.

Прв на листата за негова замена е Себастијан Халер, кој постигна 33 гола на 39 натпревари во дресот на Ајакс, а спортската управа на Баерн наводно високо на врвот на листата на желби го држи Јовиќ, кој не се прослави во Мадрид, туку Србинот репрезентативец брилјираше во Бундеслигата за Ајнтрахт Франкфурт.

Во Баерн се убедени дека голгетерскиот инстинкт на напаѓачот не исчезна преку ноќ, иако во Реал постигна само три гола на 49 натпревари во три сезони.