Фудбал
Златан Ибрахимовиќ пресече!
Напаѓачот на Милан, Златан Ибрахимовиќ се подготвува да потпише нов договор со италијанскиот клуб. Договорот ќе трае до 30 јуни 2023 година, пренесува Sky Sport Italia.
Платата на 41-годишниот шведски интернационалец ќе биде меѓу 1-1,5 милиони евра, плус бонуси кои зависат од резултатите и учинокот на Ибра.
Истиот извор наведува дека Ибрахимовиќ официјално ќе го парафира договорот со клубот кој следната сезона ќе ја брани титулата шампион на Италија.
На крајот на мај, Швеѓанецот го оперира коленото што му направи многу проблеми во текот на претходната сезона, а се очекува опоравувањето да трае од шест до осум месеци. Ибрахимовиќ не сакаше финансиски да ги оптоварува Росонерите при опоравувањето по операцијата, па оттука и симболичната сума на договорот, а ќе има можност да ја продолжи соработката и за вториот дел од сезоната 2022/2023.
Zlatan Ibrahimović has decided to extend his contract with AC Milan! Zlatan will continue for one more season, agreement in place until June 2023. 🚨🇸🇪 #ACMilan @SkySport
Ibrahimović suffered knee injury and his recovery will take 6/7 months but he will accept lower salary. pic.twitter.com/4SBcxgBBgV
— Fabrizio Romano (@FabrizioRomano) July 5, 2022
Искусниот фудбалер се врати во Милан во 2020 година, а во кариерата играше и за Малме, Ајакс, Јувентус, Интер, Барселона, ПСЖ, Манчестер Јунајтед и Лос Анџелес Галакси. Тој беше и италијански шампион со Милан во 2011 година.