Викендов во Струмица ќе се одржи вториот меморијален фудбалски турнир ,,Филип Лазаревски’’

Викендов во организација на ФК Академија Пандев на теренот со вештачка трева во Струмица ќе се одржи  вториот меморијален фудбалски турнир ,,Филип Лазаревски’’. На турнирот кој е посветен на прерано починатиот млад фудбалер на Академијата – Лазаревски, како што информираа организаторите ќе земат учество четири кадетски екипи, од земјава но и од Холандија и Србија. Станува збор за екипи со играчи родени 2002 година од Академија Пандев, селекција на ФФМ, Реал Ниш од Србија и УВВ од Утрехт од Холандија

Гостинските екипи од Србија и Холандија но и селекцијата на ФФМ ќе пристигнат утре а веќе во сабота и недела ќе се одиграт натпреварите. Согласно распоредот турнирот ,,Филип Лазаревски’’ во саботка ќе го отворат кадетските екипи на Реал Ниш и УВВ, натпревар кој ќе се одигра во 9 часот, додека во 10 часот и 15 минути мегдан ќе поделат екипите на Академија Пандев и селекцијата на ФФМ. Во попладневните часови во сабота во 16 часот младите ,, пандевци’’ ќе се соочат со Реал Ниш а во 17,30 мегдан ќе поделат селекцијата на ФФМ со УВВ од Холандија

Во недела во 8 часот и 45 минути Академија Пандев ќе игра со холандскиот УВВ од Утрехт а во 10 часот и 15 минути Реал Ниш со екипата од ФФМ. По одигрувањето на мечевите во 12 часот ќе бидат доделени наградите на најдобрите и најуспешните.

Извор: Дрнка