Аргентинците се загрижени: Марадона веќе не знае што зборува

Еден од најдобрите играчи на сите времиња, Диего Марадона, беше во центарот на вниманието по изјава на сметка на Лионел Меси.

Марадона ја налути фудбалската јавност во Аргентина, велејќи дека Лионел Меси никогаш не може да биде лидер на оваа селекција, бидејќи тој оди во WC 20 пати пред натпреварот. Сепак, тој сигурно не очекувал многумина да го осудат за оваа изјава, па затоа одлучи да се обиде да ја смири страста.

Очигледно Марадона не е при себе во последно време, а тоа најдобро го прикажуваат неговите изјави. Овој пат Марадона ја преврти приказната и рече дека медиумите ја измислиле неговата изјава, иако пред само неколку дена тој потврдил дека го изјави тоа, но не во смисла во која е пренесена на јавноста.

“Она што се случи е дека медиумите се обидуваат да создадат конфликт помеѓу мене и Меси. Сето она што тие го објавија го измислиле. Мојот однос со него е поголем од нешто што некогаш ќе напишам. Тоа е за мене најдобриот играч во светот”, рече Марадона.