Барса ќе патува за Јапонија

Барселона набрзо по завршувањето на сезоната во Примера ќе ја посети Јапонија, а „блауграните“ ќе се соочат со Висел Кобе, домот на легендата на Каталонците, Андрес Иниеста. Натпреварот меѓу двата тима ќе биде во Токио на 6 јуни.

„Како и минатата година, Барселона ќе стави конечна точка на својата сезона со пријателски натпревар. Ако лани дестинацијата беше Сиднеј, каде Барса играше против тимот од најдобрите играчи од австралиското првенство, сега избраниците на Чави Ернандез ќе отпатуваат за Токио, каде на 6 јуни ќе играат на Јапонскиот национален стадион против Висел Кобе, каде поранешните клупски играчи Андрес Иниеста и Серхи Самер“, се вели во коминикето.

Каталонскиот клуб додаде дека делегацијата на Барселона ќе отпатува во јапонската престолнина директно од Виго по последниот натпревар од Ла Лига и ќе се врати во Шпанија по пријателскиот натпревар.

Ова е прв натпревар на Барса во Јапонија во последните 4 години, кој исто така беше поврзан со пандемијата Ковид-19. Нивното последно гостување таму беше пред почетокот на сезоната 2019-2020, кога Каталонците, предводени од Ернесто Валверде, повторно се сретнаа со Висел Кобе, а ова беше прв натпревар на Иниеста со азиската страна.

Андрес Иниеста (38) е дел од Висел Коби од 2018 година, каде веќе има 26 гола и 25 асистенции на 133 натпревари во сите натпреварувања.