Барса се распрашува во Ла Лига за можното враќање на Меси

Барселона побара од Ла Лига одобрување на нивниот план да го врати Лионел Меси на Камп Ноу, објави новинарот Жерар Ромеро.

Договорот на аргентинскиот напаѓач со ПСЖ истекува на крајот од сезоната и тој би можел да се врати во Барса како слободен играч. Сепак, голема пречка се финансиските проблеми на каталонскиот клуб.

Барселона сепак ќе направи се што е можно за да го врати Меси дома, а клубот го испрати својот план во Ла Лига на крајот на минатиот месец.

Општо познато е дека Блауграна се мачеше да ги регистрира своите нови засилувања во последните неколку преодни рокови поради нивните тешкотии во усогласувањето со финансискиот фер-плеј.

Затоа Барса реши однапред да го достави својот план до раководството на Ла Лига. Сепак, изјави дека е против некои од планираните точки.