Беше најтрофеен фудбалер во светот, а сега во затвор, почна судењето на Алвеш, се појавија први фотографии

Бразилскиот фудбалер Дани Алвеш за прв пат се појави на суд откако беше обвинет дека силувал девојка во тоалет во ноќен клуб во декември 2022 година. Алвеш е надвор од очите на јавноста 13 месеци, а денеска беа објавени неговите први фотографии по почетокот на судењето.

👀 Así es el aspecto de Dani Alves en su comparecencia ante el juez, 13 meses tras la última vez que se le vio en público https://t.co/tbkm0mjKqb

— MARCA (@marca) February 5, 2024

Тој се соочува со 12 години затвор за наводниот сексуален напад. Според обвиненијата, Алвеш сексуално нападнал девојка во ноќниот клуб Сатон во Барселона ноќта меѓу 30 и 31 декември 2022 година. Од 20 јануари 2023 година, фудбалерот е во превентивен притвор, а условниот отпуст во неколку наврати му беше одбиен поради големиот ризик од бегство бидејќи Бразил нема договор за екстрадиција. Судењето почна утрово во 10 часот во судницата во Барселона. Првите кругови со 28 сведоци ќе се одржат денеска и утре, а првите заклучоци ќе бидат донесени утре.