Бетис со изненадувачки пораз на домашен терен

Бетис претрпе изненадувачки домашен пораз со 0:2 од Селта Виго и не успеа да се доближи на два бода од градскиот ривал Севиља. Андалузијците двата гола ги примија на крајот од првото полувреме, кога погоди Иаго Аспас – најпрвин од пенал во 36. минута, а потоа по грешка на одбраната на Бетис во дополнителното време пред одморот.

Во второто полувреме Бетис го притисна противникот, но никогаш не успеа да постигне ниту еден гол.

Селта со три бода собра 23 и се искачи на 12. место, додека Бетис е трет со 33 бода.

Во другата вечер во Шпанија, Алавес му одзеде важен бод на Реал Сосиедад во битката за опстанок во Ла Лига. Натпреварот во Виторија-Гастеиз почна подобро за гостите од Сан Себастијан, кои поведоа во 14. минута преку Аднан Јанузај.

По паузата, пак, израмни Алавес преку Хоселу, кој погоди од пенал во 58. минута. Со ремито, Алавес собра 16 бода и иако останува во зоната за испаѓање, има еднаков број бодови со 17. Елче. Реал Сосиедад е на шестото место со 30 бодови.