Борко Ристовски влегува во политика, ќе го советува Христијан Мицкоски

Славниот македонски репрезентативен голман Борко Ристовски влегува во политиката.Ќе му биде стратешки советник на лидерот на ВМРО-ДПМНЕ Христијан Мицкоски. Тој е еден од 16-те советници кои ги соопшти денеска Мицкоски, кои ќе го советуваат како што вели за обнова на Македонија.

-Стратешки соработник за прашања од областа на спортот, Борко Ристовски репрезентативец на Република Македонија во ракомет истакнат мислам дека доволно јавноста во Македонија е запознаен со неговите достигнувања и успеси и на ниво на клупски натпреварувања и на ниво на државни натпреварувања, изјави Мицкоски.

Се огласи самиот Ристовски, кој порача дека му е чест и задоволство да биде дел од тимот на Христијан Мицкоски.