Бугарски клуб плати трансфер на фудбалер со криптовалута

Фудбалскиот клуб Спартак од Варна го направи првиот трансфер во Бугарија со криптовалута, објавија тамошните медиуми.

Станува збор за нигерискиот напаѓач Инокент Нуокоро кој повторно ќе го носи дресот на нисколигашот Спартак.

– Тој останува кај нас. Се здоби со повреда на тренингот, но брзо ќе закрепне. Другата седмица ќе го пријавиме, соопштија од клубот и дополнија дека Спартак овој трансфер го плати со криптовалута без да биде наведена сумата.