Чави: Секое наше гостување до крајот на Ла Лига ќе биде како војна

Тренерот на Барселона Чави Ернандез го коментираше поразот од Рајо Ваљекано со 1:2. Тој им порача на своите играчи дека има уште многу време, а Ла Лига не е освоена. Тренерот на Блауграна смета дека секое гостување во Барса до крајот на сезоната „ќе биде како војна“.

„Анализирајќи го натпреварот, можеме да кажеме дека не прикажавме добра игра, иако знаевме дека ќе биде тешко. Се боревме до крај, но Рајо заслужено победи. Штета е што си заминуваме разочарани бидејќи тоа беше добра можност“, започна Чави.

„Една од причините беше тоа што ги злоупотребувавме долгите додавања наместо да бараме доминација во средниот ред. Ни беше тешко, често ја губевме топката“, продолжи тој.

„Пораката до играчите е едноставна: има уште многу време, Ла Лига не е освоена. Секое гостување на Барселона до крајот ќе биде како војна“, изјави и тренерот на Каталонците.