Џејмс е најмладиот кошаркар во историјата кој постигнал 30 000 поени

Кошаркарот на Кливленд Леброн Џејмс стана најмладиот кошаркар во историјата на НБА лигата кој постигнал 30 000 поени.

На мечот со Сан Антонио му беа потребни само 7 поени да ја достигне магичната бројка што се разбира бргу ја оствари и предизвика делириум кај навивачите кои го поздравија со овации.

Покрај тоа Џејмс е првиот кошаркар кој остварил 30 000 поени, 7000 скокови и 7000 асистенции.

Рекордот го оствари со 33 години и 26 дена.

Прв на вечната листа е Карим Абдул Џабар со 38 887 поени.