Connect with us

Кошарка

Дончиќ сруши 54 години стар рекорд а има само 20 години

Со нова одлична игра, Лука Дончиќ му обезбеди на Далас Маверикс нова победа.

Далас во Кливленд стигна до својата четврта победа, совладувајќи го Кавалирс со 131-111 со целосна доминација на словенечкиот талентиран кошаркар.

Дончиќ постигна трипл-дабл, постигнувајќи 29 поени со 14 скокови и 15 асистенции, а потоа следува Порзингс со 18 поени и девет скокови. Од другата страна, Кевин Лав постигна 29 поени со осум скока.

Лука стана првиот играч послем Оскар Робертсон (1965) кој постигнал 25+ поени со 15 асистенции и 10 скокови. Тоа беше негов рекорден 11-ти трипл-дабл во кариерата и седми со најмалку 25 поени. Со 15 асистенции, тој стана вториот играч во историјата на Далас Маверикс кој имаше толку многу додавања на два натпревари по ред, првиот е Jејсон Кид.

Лука има 20 години.

Победничката низа на Лос Анџелес Лејкерс продолжи во Сан Антонио. Ентони Дејвис имаше 25 + 11, Леброн Џејмс 21 + 11 + 13, па затоа потврдија дека ќе биде незапирлив тандем оваа сезона во НБА. Кај Спарси подобар од останатите е Мареј со 18 поени и 11 скокови.

Инаку, Лејкерси славеа со 103-96 и имаат пет победи и еден пораз на стартот на новата сезона, додека Спарси се на 4-2.

Во Центарот на ЛА Стејплс, Клиперси го совладаа Јута со 105-94, Кави Леонард, постигна 30 поени со шест скока, додека Мајами му одржа лекција на Хјустон (129-100). Робинсон со 23 и Леонард со 21 поен го предводеа Мајами, додека Харден постигна 29 а Вестбрук само 10 поени за Хјустон.