Ериксен и официјално на трансфер листа

Еден од најдобрите играчи за врска, Кристијан Ериксен веројатно во блиска, но и далечна иднина нема да сака да се присетува во времето поминато во Интер. Пред една година пристигна како огромно засилување, за мала сума на пари, но на 33 меча запиша само три голови и три асистенции. За волја на вистината поголемиот дел од овие натпревари кои му се запишани играл како резерва и тоа во последните неколку минути од натпреварите.

Антонио Конте не го сака во Интер, тоа очигледно. Па, така Данецот од ноќеска е ставен на трансфер листа. Во јануари ќе биде продаден или „жртвуван“ за размена со некој фудбалер, но она што е сигурно дека тој е на продажба. Такво нешто најавија и Антонио Конте индиректно со изјавата пред мечот со Торино дека му дал многу шанси на Ериксен, но и спортскиот директор Марота кој викендов најави дека Данецот ќе биде продаден. Италијанските медими пишуваат дека е одржан состанок на тема Ериксен и дека е донесена одлука тој да биде продаден уште во јануари.