Еурофарм Пелистер го доби „малото финале“ против Нексе, заврши трет во СЕХА (ВИДЕО)

Македонскиот ракометен тим, Еурофарм Пелистер го доби малото финале на фајнл-фор турнирот од СЕХА лигата, тие го совладаа Нексе со 27-23 и го освоија третото место.

Во првото полувреме беше неизвесно, двете екипи се менуваа во водство, а на полувремето Нексе замина со предност од 13-12.

Нексе го постигна првиот гол од вториот дел за 14-12, а потоа следуваше серија на Еурофарм Пелистер од 6-1 за предност од 18-15, што се покажа и клучна.

Битолчани до крајот на мечот ја одржуваа предноста и на крајот славеа со 27-23 и го освоија третото место во регионалното натпреварување.

Најдобар стрелец во битолскиот тим беше Хосни со шест голови, додека кај Нексе, Јелиниќ постигна четири.
Инаку, Веспрем ја одбрани титулата во СЕХА лигата и се израмни со Вардар 1961 на врвот на вечната листа. Во возбудливо финале во Задар го победија ППД Загреб со 32-30 (13-19).