Федерер се намачи за полуфинале на турнирот во Базел

Швајцарскиот тенсиер Рожер Федерер со многу маки стигна до полуфиналето на турнирот во швајцарскиот град Базел. Тој во четвртфиналето синоќа го совлада Французинот Адриан Манарино со 2-1 во сетови.

Манарино го доби првиот сет со 6:4 во гемови, а Федерер беше подобар во следните два со 6:1 и 6:3. Федерер е седумкратен победник на овој турнир.

Тој во полуфиналето ќе игра против Давид Гофан од Белгија, кој дури по полноќ го совлада Американецот Џек Сок со 2:0 во сетови (7:6 и 6:3).

Во првото полуфинале ќе играат Хуан мартин Дел Потро и Марин Чилиќ.