Феран Торес: Со нетрпение очекувам да ги следам инструкциите на Чави

Барселона на „Камп Ноу“ го претстави своето ново засилување Феран Торес, а поранешниот напаѓач на Манчестер Сити изјави дека е подготвен да игра по повредата во октомври.

Ќе бидам подготвен за помалку од две недели“, изјави 21-годишниот Шпанец, кој заработи мала скршеница на десната нога за време на минатогодишниот натпревар во Лигата на нации.

„Денес е одличен ден за мене. Играв за двајца тренери со корени во Барселона, како Луис Енрике и Пеп Гвардиола, што ми помогна да се прилагодам на ДНК на Барса. Со нетрпение очекувам да ги следам инструкциите на Чави Ернандез“, додаде Торес.

Напаѓачот потпиша договор до јуни 2027 година со ослободителна клаузула од 1 милијарда евра.

Финансиските детали од зделката не беа откриени, но британските и шпанските медиуми објавија дека Барселона се договорила за трансфер од околу 55 милиони евра, со уште 10 милиони евра бонуси.

Торес се врати во Шпанија откако му се приклучи на Сити Валенсија во август 2020 година и забележа 43 настапи за англискиот тим во сите натпреварувања, постигнувајќи 16 гола.

“Тоа е сон. Сите знаеме каков клуб е Барса. Ќе дадам се што имам за да ја одведам Барса таму каде што заслужува”, изјави Торес, кој постигна 12 гола на 22 натпревари за својата земја.

„Речиси сум во форма и подготвен сум да играм. Повредата е речиси санирана и наскоро ќе направам се што е можно за да ги израдувам нашите навивачи“, заврши Торес.

Барселона беше принудена да дозволи својот најдобар стрелец на сите времиња Лионел Меси да го напушти клубот минатата година поради „финансиски и структурни пречки“ и има долгови од над 1,35 милијарди евра.

Опциите во нападот на Каталонците беа дополнително ослабени со повлекувањето на аргентинскиот напаѓач Серхио Агуеро (33) минатиот месец поради срцеви заболувања.