Германската легенда се врати на тренерската работа, негов нов клуб е Херта

Германскиот фудбалски прволигаш Херта го назначи Јирген Клинсман на функцијата главен тренер на тимот, информира прес-службата на клубот.

Договорот на 55-годишниот стручњак е со важност до крајот на тековната сезона.

Исто така, се соопштува дека досегашниот тренер Анте Човиќ поднесе оставка.

По 12 кола од германскиот шампионат, Херта го зазема 15-то место на табелата во Бундеслигата.

Клинсман е без тим од ноември 2016 година. Тој претходно беше тренер на Баерн, репрезентациите на Германија и Соединетите Американски Држави.