Го напушти двократниот европски шампион и пристигна во Загреб

Интересен трансфер ни доаѓа од регионалниот ракомет.

По девет години Тимур Дибиров го напушти скопски Вардар и потпиша за ППД ЗЗагреб.

Оваа информација ја потврди и повеќекратниот шампион на Хрватска.

За Дибиров ова ќе биде трет клуб во кариерата по Чеховски Медвед и Вардар.

Тој е вистинска легенда на европскиот ракомет, а со Вардар двапати беше клупски шампион на Европа и член на неверојатна генерација ракометни великани од Скопје.

Дибиров е роден 1983 година, а во Вардар помина девет сезони.

Неодамна стана ракометар со повеќе од 1.000 голови во Лигата на шампионите на ЕХФ.