Ѓоковиќ ги остави зад себе Федерер и Надал, АТП го прогласи за тенисер на деценијата

Српскиот тенисер Новак Ѓоковиќ е прогласен за играч на деценијата според Асоцијацијата на тениските професионалци. Зад него во Топ 5 се Роџер Федерер, Рафаел Надал, Енди Мареј и Санислав Вавринка. Ѓоковиќ најголемите успеси ги остварил токму во последните десет години, период во кој освоил 15 од своите 16 грен-слем титули. Во изминатата деценија Ѓоковиќ освоил вкупно 61 трофеј на АТП турнирите и пет пати ја завршувал годината на првото место.