Гомеш може да се врати на теренот оваа сезона?

Португалскиот репрезентативец Андре Гомеш претрпе тешка фрактура на десниот глужд како резултат на влегувањето на Хјун Мин Сон и секундарниот контакт со Серж Ори при ремито 1-1 помеѓу Евертон и Тотенхем во неделата. Пред два дена тој беше опериран успешно.

Менторот на Евертон, Марко Силва изјави дека Андре Гомеш би можел да се врати во игра уште оваа сезона.

– Не е лесно да се даде сигурен датум за неговото враќање. Сите информации што ги добивам се од медицинскиот тим и тие мислат дека Андре ќе може да игра оваа сезона, вели Силва.