Гвардиола: Немаме никакви шанси против Манчестер Јунајтед

Манчестер Сити излезе од Карабао купот откако загуби со 2-0 против Саутемптон, не успевајќи да упати ниту еден удар кон противничкиот гол за прв пат од април 2018 година. Гвардиола не беше позитивен во оценката за неговиот тим по последниот судиски свиреж и предупреди дека неговиот тим ќе доживее нов пораз во дербито викендов против Манчестер Јунајтед доколку не прикаже поинаков настап.

„Победи најдобриот тим. Тие беа подобри. Не одигравме добро. Имавме лош почеток и не се претставивме добро. Денеска не беше ни блиску до она што сме. Не бевме подготвени да играме во ова натпреварување за да се пласираме во полуфиналето, не бевме подготвени.

Мора да бидете подготвени за секој натпревар кога играте за Манчестер Сити, а ние денес не бевме. Ако настапиме вака (на дербито на Манчестер) немаме никакви шанси. Чувствувам дека составот не беше важен денес, настапот се случи. Не бевме тука“, изјави Гвардиола.

Манчестер Сити во сабота во 13:30 часот гостува на Олд Трафорд во градското дерби.