Има нов фаворит за менаџер на Манчестер Јунајтед од на лето

Тренерот на Ајакс, Ерик тен Хаг, го замени Маурицио Покетино како главна цел на Манчестер Јунајтед за нов менаџер ова лето. Холанѓанецот сериозно ги воодушеви шефовите на „црвените ѓаволи“. Тој важи за еден од најдобрите и најперспективни менаџери во светскиот фудбал.

Тајмс тврди дека Тен Хаг е веќе на врвот на списокот на Олд Трафорд. До неодамна се сметаше дека главен кандидат е тренерот на Пари Сен Жермен, Покетино, но тоа веќе не е така. Тен Хаг го освои лидерството во клубот со неговата работа во Ајакс во последните сезони, освојувајќи две титули во Ередивизија и правејќи ги холандските гиганти конкурентни со другите врвни тимови во Лигата на шампионите. Неговото искуство во освојување трофеи, атрактивен фудбал и вербата во млади таленти се работите кои најмногу му се допаднаа на Манчестер Јунајтед.

Веќе е познато дека Ричард Арнолд ќе ја преземе функцијата извршен директор од 1 февруари 2022 година и ќе го замени досегашниот в.д. директор Ед Вудворд. Изданието додава дека последната задача што ќе ја заврши Вудворд е да најде нов постојан менаџер на тимот и тоа може да биде Тен Хаг.

Претходно медиумите во Англија пишуваа дека суперѕвездата Кристијано Роналдо би можел да го напушти клубот на лето доколку не го одобри назначувањето на новиот менаџер. До крајот на оваа сезона на чело на Манчестер Јунајтед е Германецот Ралф Рангник.

When Ed Woodward told his family that he was leaving #MUFC, his daughter burst into tears and his wife broke out the champagne. A look at Woodward's controversial tenure: failure on the pitch, success off it commercially. And why Ten Hag is the right fit. https://t.co/YyLs4hG8np

— Henry Winter (@henrywinter) January 6, 2022