SPORTM.mk
Јунајтед ја испушти победата кај Вулверхемптон
Во последниот дуел од второто коло на англиското фудбалски првенство Вулверхемптон Вандерерс и Манчестер Јунајтед одиграа 1:1 (0:1), со што „Црвените ѓаволи“ пропуштија можност да им се приклучат на Ливерпул и Арсенал кои се на врвот од табелата со двете стартни победи.
Гостите од Манчестер во водство ги донесе Антони Мартиал во 27 минута со својот 50-ти гол постигнат во црвениот дрес, а за домашните израмни Рубен Невес во 55 минута.
Манчестер Јунајтед, кој доминираше во сите показатели од фудбалската игра, пропушти да дојде во водство во 68 минута, по пеналот кој го изведе Пол Погба а неговиот удар го одбрани домашниот голман Руи Патрисио.
По воведните две кола Манчестер Јунајтед има четири бодови и е веднаш зад градскиот ривал Манчестер Сити со исто толку бодови, а на врвот се Луверпул и Арсенал со по шест бодови. Вулверхемптон е во групата екипи кои во двата стартни натпревара не победија но и не беа поразени.
