Камерун започна со пресврт на почетокот на Африканскиот куп на нации

Домаќинот Камерун со победа го започна учеството на Африканскиот куп на нации, откако во воведниот натпревар од првенството ја совлада Буркина Фасо со 2:1. Домаќините остварија пресврт, победувајќи по два пенали до крајот на првото полувреме.

Гостите го отворија резултатот во 24. минута кога Густаво Сангаре го искористи додавањето на Бертранд Траоре и грешката на голманот Андре Онанае, по што погоди со глава.

Домаќините станаа поактивни во следните минути и во 40. минута добија право да изведат пенал. Зад топката застана Винсент Абубакар, кој ладнокрвно реализира.

Длабоко во додаденото време на првото полувреме, Камерун доби втор пенал и повторно Абубакар со удар во десниот агол направи целосен пресврт.

Во вториот дел домаќините можеа да го зголемат водството, но нов гол не беше постигнат.

Така Камерун ја предводеше својата група пред натпреварот меѓу Етиопија и Зеленортските Острови.