Ќе може ли „ранетиот“ Вардар против Кјелце во дербито на колото во ЛШ

Вардар попладнево му гостува на Кјелце во рамките на 8.коло од Лигата на шампионите. Пред една недела овие две екипи одиграа без победник 28:28 во салата „Јане Сандански“. Поради квалитетот на двете екипи, ЕХФ одлучи токму овој натпревар да биде дерби на колото.

Се прават споредби, се прават анализи, кои покажуваат дека фаворитската улога е на Кјелце.

„Слабоста“ на Вардар пред се доаѓа поради повредените ракометари. Криштопанс не отпавува во Полска, а повредени се Горбок, Толедо, Дисингер.

На последниот меч тренерот Кокшаров направи доста експерименти со позициите на ракометарите, па крилата играа како бекови, а на моменти и како пикери.

Дали во една ваква ситуација Вардар ќе успее да направи резултат против Кјелце, ќе дознаеме нешто по 18:00 часот, за кога е закажан овој натпревар.