Клоп: Нашите луѓе ја заслужија оваа победа, нашиот најдобар натпревар по долго време

Менаџерот на Ливерпул, Јирген Клоп призна дека му олеснало откако Ливерпул конечно го доби својот прв натпревар во Премиер лигата во 2023 година со победата од 2-0 во градското дерби против Евертон.

Мохамед Салах постигна гол за прв пат по Божиќ, а новото засилување Коди Гакпо го забележа своето деби за клубот во триумфот на Енфилд.

Успехот на Ливерпул стави крај на серијата од четири натпревари без победа во Лигата и го искачи тимот на деветтото место на табелата.

„Ослободен сум. Тоа е главното чувство по последниот судиски свиреж. Задоволен сум од настапот. Беше неопходно да се игра на нашиот начин, а не како што сакаше да игра Евертон“, изјави Клоп за новинарите по натпреварот.

„Игравме агресивно, но не направивме многу фаули. Со сета таа агресија што требаше да ја покажеме, мора да бидете внимателни затоа што секоја статична ситуација е опасност и на тоа сметаше противникот. Мислам дека направивме навистина добро Ние исто така доминиравме, ја задржавме топката и ги натеравме да трчаат. Двата гола дојдоа од контра напади, но и тоа влегува во игра. Многу работи беа поинакви вечерва, така што тоа беше нашиот најдобар натпревар по долго време.

Ни требаше овој натпревар, ни требаше овој настап. Нашите навивачи апсолутно го заслужија тоа. Ја сакав атмосферата – уште пред да постигнеме гол. Тоа е луда атмосфера што луѓето ја создаваат овде“, додаде Јирген Клоп.

Менаџерот на Евертон, Шон Дајче, коментираше дека неговиот тим започна силно, но го загуби ритамот по првиот гол на Салах во 36. минута.

„Почнавме добро, но се се смени за 15-16 секунди. Ја погодивме стативата и не реагиравме доволно добро на контра-нападот што следеше. Знаеме дека Ливерпул е добар во транзицијата во двете фази. На полувремето реков дека Требаше да имаме повеќе посед, но брзо примивме уште еден гол и после тоа беше многу тешко, особено овде“, рече Диш.