Клоп: Не сум полош од лани, но јас сум одговорен за слабата сезона

Менаџерот на Ливерпул, Јирген Клоп, зборуваше по ремито 2-2 во дербито од осминафиналето во Премиер лигата против Арсенал. Германскиот специјалист им се извини на навивачите на тимот за лошата сезона на Мерсисајдерите.

„Жал ми е за нашите луѓе што не ја имаат сезоната што ја посакуваа. Но, долгорочно ќе го заборават тоа. „Не ми е гајле што правевме лани или години пред тоа. Јас сум 100 отсто одговорен за ова ѓубре“, прокоментира Клоп.

„Гледате работи кои се случуваат во другите клубови, не само отпуштања, туку тимови против сопственици, навивачи против сопственици, навивачи против тим – јас го видов сето тоа. Но, ако некој може да помине низ ваква ситуација на елегантен начин, навистина мислам дека тоа сме ние како клуб“, додаде специјалистот.

„Мораме да го поминеме ова и немам проблем со тоа. Кога ќе погледнам наназад за 10 или 15 години, оваа сезона веројатно нема да биде за најважните моменти, но се надевам дека ќе има многу што можеме да научиме од неа и ќе може да се искористи следната година. Но, ние мора да се бориме со тоа, и тоа е тешко. Да беше лесно, немаше да бидам платен толку многу за тоа. Имавме супер чудна сезона. Ги имавме двете највисоки победи во нашата историја, но една недела подоцна не можеме да го направиме тоа“, изјави Клоп.

„Играчите не се полоши од лани. Тие само играат полошо, и тука е важната разлика. Не сум полош менаџер од лани, сигурен сум во тоа. Нашето производство е полошо од лани, но јас не сум лош“, уверен е тренерот на Ливерпул.