Колку чинат најскапите станови во стариот дом на Арсенал?

Лондонскиот гигант Арсенал последен пат играше на својот стар стадион Хајбери на крајот од сезоната 2005/06 пред да се пресели на Емирати.

По заминувањето на Топџиите, започна работата на Хајбери за да се претвори од стадион во огромен станбен имот со над 600 апартмани.

Архитектот Арчибалд Лајч, кој исто така дизајнираше некои од другите врвни стадиони во Англија – Олд Трафорд, Енфилд, Вајт Харт Лејн и Стемфорд Бриџ – беше одговорен за создавањето на Хајбери во 1913 година.

Северната и јужната трибина на Хајбери беа урнати речиси веднаш по завршувањето на неговата работа. Ова се случи од едноставна причина што тие беа премногу стари за околните згради во оваа област на Лондон. Од друга страна, пак, помодерната и посовремена источна и западна трибина остануваат недопрени до ден-денес.

Ова доведе до тоа тие да станат дел од станбениот имот „Хајбери Сквер“ кој сега се наоѓа на местото на стариот дом на Арсенал. За три години од последниот натпревар на Арсенал таму, „Хајбери Сквер“ се трансформираше во комплекс од 650 прекрасни апартмани. Нивните цени се движат меѓу 400 и 800 илјади фунти, а нивната вкупна вредност достигнува половина милијарда.