Connect with us

Тајмаут

Контроверзниот брак се распадна: Ванда повеќе не можеше да живее со Мауро и поднесе барање за развод

Бракот на Ванда Нара и Мауро Икарди наскоро и официјално ќе биде завршен.

По многу превирања во изминатата година, обвинувања за измама кон фудбалерот на ПСЖ, Ванда овој пат потврди дека се разведува од аргентинскиот напаѓач.

Оваа 35-годишна жена моментално се наоѓа во Буенос Аирес, а во порака испратена до репортерот на емисијата Лос Анџелес де ла Манана, потврдила дека дошла да ги заврши документите за развод.

„Кармен, дојдов во Аргентина за да завршам сè околу разводот со Маура. Моментално го организирам тоа. Би останала уште неколку дена за да не организирам се за разводот. Не можам повеќе да издржам и јас Побарав развод“, рече Ванда во аудио порака.

Во емисијата беше пуштен и овој клип и се чини дека контроверзниот брак меѓу аргентинската фудбалска ѕвезда и познатата манекенка конечно заврши.

 

Ванда и Мауро се во брак од 2014 година. Тие имаат две деца, а таа има уште три деца од претходниот брак со Макси Лопез.

Нивната врска стана светски позната откако Мауро буквално ја киднапираше од својот пријател Макси, со кој беше многу близок.

Сепак, по осум години очигледно дојде крајот. Очигледно, Ванда и Мауро одат на спротивставени страни и само чекаме официјална потврда.

 

Атрактивната 35-годишна жена во изминатите осум години лично се грижеше за кариерата на својот сопруг. Ова му направи многу проблеми, па на многу грд начин се раздели со Интер.

Нема место за Икарди во ПСЖ во новата сезона. Тој нема да има многу простор за игра и се очекува да го напушти клубот до крајот на преодниот рок.

За услугите на 29-годишниот фудбалер најзаинтересиран е тимот на Монца. Преговорите за негово враќање во Италија веќе се започнати и нема да биде изненадување доколку Икарди го облече дресот на новиот член на италијанската Серија А.