Кожув со пораз кај Берое ја почна новата сезона во БИБЛ лигата

Кошаркарите на Кожув со пораз на гостувањето во Бугарија кај Берое ја почнаа новата сезона во БИБЛ лигата.

Домашниот тим во текот на целиот натпревар имаше водство и славеше со 69:62 (20:13; 11:12; 23:19 и 15:18).

Единствениот македонски преставник во БИБЛ лигата се обиде да ја намали разликата и да направи пресврт, но домашните кошаркари не дозволија изненадување.

Најефикасен во гевгелискиот тим беше Александар Радуловиќ со 19 поени, а девет постигна Александар Штерјов.

Конер Франкамп со 26 постигнати поени беше најефикасен на натпреварот и му донесе победа на Берое.