Ракомет
Лазаров со петарда против Аикс
Неочекуваниот пораз од Шамбери во минатото коло не ги исфрли од ритам ракометарите на Нант, кои експресно им се вратија на победите во францускиот шампионат триумфирајќи на гости кај Аикс со 29:25.
Средбата мина во „егал игра” се до средината на првото полувреме, Аикс последното водство го имаше за 7:6, по што најдобриот македонски ракометар во редовите на Нант, Кире Лазаров и соиграчите заиграа подобро и успеаја резултатски да се одлепат пред заминувањето на одмор (13:16).
Домаќините го отворија вториот дел со серија од 3:0, но Нант имаше одговор, повторно се одлепи резултатски и на крајот заслужено стигна до нова победа.
Македонскиот „бомбардер“ го заврши натпреварот со пет гола од вкупно 11 обиди, еден помалку од најдобрите стрелци Клер и Ривера.