Магационер земал неплатен одмор да игра против Баерн Минхен, а потоа прими 10 голови (ВИДЕО)

Фудбалерите на Окленд Сити  загубија со 10-0 од Баерн Минхен во првото коло од Светското клупско првенство, а и покрај тоа што примија двоцифрен број голови, голманот на Нов Зеланд, Конор Трејси, имаше причина да биде среќен.

Голот на Окленд Сити три пати го тресеше Џамал ​​Мусијала, двапати Кингсли Коман, Михаел Олисе, Томас Милер и еднаш Саша Бој, и покрај тоа, 28-годишниот Трејси не беше премногу разочаран. Имено, тој го исполни својот сон бидејќи доби шанса да се ракува со еден од најдобрите голмани во историјата, Мануел Нојер. Окленд Сити е аматерски клуб, а нивните играчи се вработени во разни компании каде што заработуваат плати.

Трејси работи како магационер во магацин за ветеринарно-фармацевтска компанија, а за да дојде на Светското клупско првенство, мораше да земе неплатен одмор.

„Знам дека ќе биде тешко да се платат киријата и сметките овој месец, но играњето на овие натпревари дефинитивно вреди“, рече Трејси. Трејси ќе брани против Бенфика на 20 јуни, додека Светското клупско првенство ќе го заврши со натпревар против Бока Јуниорс на 24 јуни.