Мајнц и официјално побара одложување на вториот последователен натпревар

Мајнц официјално побара од германската фудбалска лига да го одложи вториот последователен натпревар во Бундеслигата по епидемијата на коронавирус.

„Поради големиот број на заразени со Ковид-19, клубот поднесе барање до Германската фудбалска лига да го одложи натпреварот овој викенд против Аугсбург“, напиша клубот на Твитер.

Од Мајнц 05 изјавија дека се уште немаат доволно играчи за учество на натпреварот.

ℹ️ Due to the high number of COVID cases, the club has submitted a request to the @DFL_Official for the postponement of this weekend's game against @FCA_World.#Mainz05 pic.twitter.com/4DnD0GkItX

— Mainz 05 English (@Mainz05en) March 9, 2022

Неделниот натпревар против Борусија Дортмунд беше одложен за 16 март, откако 14 играчи, вклучително и тројца голмани, беа позитивни на коронавирус од вкупно 20 луѓе во клубот. Меѓу нив е и главниот тренер Бо Свенсон.

Задолжителниот карантин за многу играчи ќе заврши дури во петок, на само еден ден пред мечот со Аугсбург, под услов нивниот тест да биде негативен, што го оневозможува тимот да се подготви нормално.