Македонските ракометари на ЕП ќе играат на стадион адаптиран во арена, капацитет 50.000 гледачи (ФОТО)

Македонската ракометна репрезентација попладнево одржува тренинг на „Меркур Шпил Арена“, стадионот кој е адаптиран за одржување натпревари во рамките на Европското првенство во Германија.

Избраниците на селекторот Кирил Лазаров се запознаа со теренот каде утре ќе имаат чест да го отворат 16. континентален шампионат.

The stage for the 𝒃𝒊𝒈𝒈𝒆𝒔𝒕 handball event is almost set 🤩 Can’t wait to see Merkur Spiel-Arena hosting more than 50.000 handball fans🔥🔝#ehfeuro2024 #heretoplay pic.twitter.com/WtQyzl0Gvv

— EHF EURO (@EHFEURO) January 7, 2024

Нивни противник во 1. коло ќе биде олимпискиот шампион Франција.

Според организаторите, за утре се најавени да присуствуваат околу 50 илјади гледачи што ќе биде рекордна посетеност на еден ракометен натпревар.

Покрај македонската и француската репрезентација, во групата А се наоѓаат и домаќинот Германија, како и Швајцарија.