Манчестер Јунајтед добива понуда за Бразилец од Галатасарај

Манчестер Јунајтед покажува сериозен интерес за дефанзивецот на Галатасарај, Маркао, според Фанатик. Изданието пишува дека „црвените ѓаволи“ подготвуваат предлог вреден 25 милиони евра за бразилскиот централен дефанзивец.

Во информацијата се наведува и дека 25-годишниот фудбалер е на врвот на листата на англискиот клуб за нови засилувања.

Маркао на почетокот на сезоната влезе во сериозен скандал. Тој на натпреварот со Гиресунспор го удри соиграчот Керем Актјуркоглу за што беше казнет со 8 натпревари. Поради оваа причина, Бразилецот есента одигра само 10 натпревари во Суперлигата, но во исто време беше и солиден стартер за Галатасарај во групната фаза од Лига Европа.