Мбапе оди во Мадрид…

Француската ѕвезда  ќе се качи на  сцената заедно  со Државната  филхармонија  на шпанската  престолнина

Големата трансфер цел на „Реал“ (Мадрид) – Килијан Мбапе ќе оди во шпанската престолнина, но не да го носи тимот на „белиот балет“, туку да свири на флејта. Излегува дека францускиот ас е голем мајстор со музичкиот инструмент. Пред сериозно да се занимава со спорт, Килијан 5 години присуствуваше на престижниот конзерваториум Бонди, каде беше еден од најдобрите на флејта.

Мбапе се согласи да се качи на сцената за фестивалот во Сан Флорентино во шпанската престолнина. Тој ќе свири заедно со Државниот оркестар на Мадрид на 27 септември 2024 година. Самиот фудбалер изрази желба да го изведе Моцартовиот Концерт за флејта бр.1. Настанот беше организиран лично од Изабел Дијаз Ајусо. Токму премиерот на автономната област во Мадрид го покани лично Мбапе.Таа е многу блиска со претседателот на „Реал“ Флорентино Перез. Според медиумите во Шпанија, ова е уште еден потег на газдата на „белиот балет“ да го привлече фудбалерот што толку го посакува. За време на концертот Перез би ја убедил француската суперѕвезда да му се придружи на колосот од Мадрид.

Килијан има договор со „Пари Сен Жермен“ до лето во 2025 година.

Објавено е дека „кралевите“ се подготвени да издвојат неверојатна милијарда евра за францускиот репрезентативец, кој стана најдобар стрелец на Светското првенство во Катар.

Парижаните се подготвени на се за да го задржат Мбапе во своите редови. ПСЖ се обидува да го продолжи договорот со 24-годишниот играч. И тие се подготвени да направат што сака напаѓачот. Едно од барањата на Килијан е Бразилецот Нејмар да биде отстранет од тимот. Францускиот интернационалец воопшто не го толерираше својот колега во нападот.

Затоа, парижаните се обидуваат да го добијат Нејмар, кој има договор со тимот до 2027 година.

Исто така, Нејмар примени и огромна плата што е пречка за продолжување на договорите на Килијан Мбапе и Лео Меси. Се очекува францускиот тим да го продаде Бразилецот на лето. ПСЖ минатата година се обиде да го приземји напаѓачот. Тој постави цена од 150 милиони евра, но никој не сакаше да го купи. Сега парижаните се подготвени да ја намалат бараната сума за Нејмар и ќе се разделат со една од своите ѕвезди за само 100 мил.

Воедно стана јасно дека светскиот шампион во тимот Лионел Меси ќе пропушти уште еден натпревар. Аргентинската мегаѕвезда продолжи со тренинзите пред два дена, но тренерот на тимот Кристоф Галтие објасни дека Болвата нема да игра на денешниот натпревар од Купот на Франција против третолигашот Шатору.